Kryetari i PL-së, Ilir Meta, u bën thirrje qytetarëve shqiptarë të bashkohen nesër në protestën që do të mbahet nga opozita në bulevardin “Dëshmorët e Kombit” në Tiranë.
Fillimisht Meta ka uruar në një postim në Facebook Partinë Demokratike për procesin e saj “civilizues” siç e cilësoi, të primareve, që ka nisur për të zgjedhur kandidatët më të mirë për në zgjedhjet vendore. Më tej, Meta ka përforcuar thirrjen për të dalë në protestë.
“Shumë urime për Partinë Demokratike për procesin transparent, civilizues dhe në interes të demokracisë direkte të Primareve.
Një hap i madh përpara!
Nesër të gjithë bashkë në Bulevardin “Dëshmorët e Kombit” në mbrojtje të Kushtetutës, lirisë dhe demokracisë!”– shkruan Meta.
