Në një debat në “Now me Erla Mëhillin” u diskutua se përse në Tiranë për samitin do të jetë e pranishme Vjosa Osmani dhe ftesa nuk i ka shkuar Albin Kurtit.
Sipas Fatbardh Kadillit, Kurti duhet të ishte i pranishëm, vetëm nëse kemi të bëjmë me protokoll.
Për analistin Andi Bushati, mungesa e Kurtit ka një arsye.
“Në këto jo formalet që nuk zgjidhet asgjë shkon Vjosa, atje ku duhen shpatulla, si dialogu, shkon Albini, ai që ka fuqi,” – u shpreh Bushati.
Nesër, më 6 dhjetor, mbahet samiti i liderëve të Bashkimit Europian dhe atyre të Ballkanit Perëndimor në Tiranë. Paralelisht do të mbahet dhe protesta e opozitës e cila është planifikuar të zhvillohet në një perimetër sigurie, pra konkretisht te bulevardi “Dëshmorët e Kombit”.
