Një 35-vjeçar shqiptar, Bledar Thomaj, tentoi të arratisej nga autoritetet britanike nëpër autostradë dhe më pas u kafshua nga qeni i policisë.
Pasi policia e ndaloi shqiptarin, ai zbriti nga automjeti i tij një Audi A6 të zezë dhe vrapoi për t’u arratisur, por qeni Alvin u tregua i shpejtë dhe e ndoqi duke e kafshuar madje në krahun e majtë.
Në total, oficerët gjetën 10 kg kanabis në bagazhin e automjetit “Audi” të Thomajt, i cili përfundoi me qepje në krah pas kafshimit nga qeni.
Oficerët konfirmuan se tregtari mori qepje pasi u kafshua nga PD Alvin, një belg Malinios.
Shqiptari është deklaruar fajtor për posedim kanabisi me qëllim shpërndarjen e tij dhe u dënua me 12 muaj burg. Tashmë ai rrezikon dëbimin, raportojnë mediat britanike.
