Kreu i Partisë së Lirisë, Ilir Meta ka reaguar pasi prej mëngjesit të sotëm forca të shumta policie dhe IKMT kanë rrethuar me shirit të verdhë “Prestige Resort”, pa asnjë paralajmërim dhe njoftim, teksa pushuesit dhe punonjësit janë nxjerrë me forcë.
Gjatë një postimi në rrjetet sociale, Meta shkruan se kjo është “një hakmarrje e kryeministrit Edi Rama dhe një sulm kriminal të qeverisë ndaj lirisë së mediave”.
“Sulmi i paligjshëm dhe brutal i forcave të policisë dhe të IKMT kundër Prestige resort në Golem, është një vepër kriminale personalisht e Edi Ramës si hakmarrje ndaj lirisë të mediave. Ky arbitraritet i pashembullt është tregues i rënies të shtetit të së drejtës dhe këmbanë alarmi, për të gjithë qytetarët që duan të jetojnë të lirë dhe të sigurtë në vendin e tyre. Partia e Lirisë e vlerëson këtë sulm si një akt terrorist, ndaj lirisë të mediave dhe të gazetarëve dhe bën thirrje për përshkallëzimin e qendresës qytetare dhe demokratike ndaj këtij regjimi skizofrenik dhe hajdut, që kërkon me çdo kusht të mbyllë çdo hapësirë informimi dhe lirie për të mbuluar vjedhjet e shekullit. Skenat e krimit sot janë te incineratorët, te Porti i Durrësit dhe dhjetera PPP që vjedhin në mënyrë të pamëshirshme qytetarët shqiptarë dhe jo te Prestige resort që ka qenë dhe është një nga resortet më elitare dhe të hershme në vendin tonë”, shkruan Meta.
- Reagimi nga Ervin Salianji
Gjithashtu ka reaguar edhe deputeti i Partisë Demokratike, Ervin Salianji i cili dënon ashpër atë të cilën e sonsideron si sulm të qeverisë ndaj mediave.
Salianji thekson se qeveria me “bekimin” e Edi Ramës lejon ndërtimin pa leje të kullave në mes të Tiranës kurse në krahun tjetër zapron pronën private për të ushtruar presion ndaj mediave në pronësi të Irfan Hysenbelliut.
“Regjim banditesk, i instaluar në pushtet nga bandat Edi Rama sillet si bandit! Neës24, Balkanëeb, Panorama, Gazeta Shqiptare mbahen nën presion dhe trysni të vazhdueshme vetëm se mendojnë ndryshe nga kryebanditi, se kanë zgjedhur të denoncojnë aferat, të jenë në krah të qytetareve!
Sot po shpaloset një tjetër akt i përdorimit të shtetit si lodër personale në duart e Ramës. Pa asnjë shkresë, pa lajmërim, pa dhënë asnjë shpjegim gjithë institucionet vendosen nën thundrën e Ramës për të kërcënuar mediat! Gjithë Shqipëria e shikon se si janë ndertuar perbindesha pa leje në mes te Tiranës dhe qeveria i legalizon!
Nderhyrja e sotme brutale praktikisht është pengmarrje dhe zaptim i pronës private, qeveria po sillet hiç më pak se banditët me maska! Askush nuk do i shpetoje dot paligjshmërisë, çdo zyrtar do të përballet me pasojat më të ashpra që ligji njeh!”, shkruan Ervin Salianji.
- Reagimi nga Petrit Vasili
Nënkryetari i Partisë së Lirisë, Petrit Vasili ka dënuar sulmin e paligjshëm në ambientet e “Prestige Resort”. Vasili thekson se kryeministri Edi Rama dhe qeveria e tij kriminale po sillen si terroristë dhe se i janë vërsulur pronës.
“Kriminelet e qeverise pa asnje ligj dhe pa asnje lajmerim i versulen Prestige Resort per te hedhur ne ere Hotelin. Kriminelet shteterore njelloj si hajnat me maska i sulen Grupit mediatik Neës 24, Ballkanëeb dhe Panorama, qe ju çorri masken aferave miliardere te vjedhura nga Qeveria.
Edi Rama dhe qeveria kriminale si terrorriste shteterore dhe mafioze i versulen prones dhe te drejtave te njeriut. Horrat e qeverise, qe ligjerojne kullat ne mes te Tiranes sulmojne si egersira antiligj ndaj nje bisnesi elitar vetem per tu hakmarre dhe per te mbyllur gojen medias se lire. Cdo shqiptar eshte sot i sulmuar dhe i rrezikuar me shume kurre. Te gjithe ne kembe kunder kesaj bande maskarenjsh, kriminelesh dhe mafiozesh!”, shkruan Vasili.
- Çfarë po ndodh në Prestige Resort?
Policia ka shkuar në “Prestige Resort” herët në mëngjes pa paralajmërim me forca të shumta dhe kanë detyruar punonjësit të dalin jashtë, kurse turistët dhe pushuesit janë terrorizuar. Ende nuk dihet arsyeja e kësaj ndërhyrje.
Edhe më herë gjatë muajit shtator, IKMT prishi një pishinë dhe pistën tek “Prestige Resort” për të cilat autoritetet pohuan se ishte ndërtuar pa leje, kurse pronarët pretendonin se gjithçka është ndërtuar me “bekimin” dhe firmën e kryeministrit Edi Rama. Siç mund të shihet nga planet i gjithë kompleksi “Presige Resort” është rrethuar me shiritin e verdhë dhe askush nuk lejohet të futet brenda.
