Zbardhet shkresa e kryeinspektores, Dallëndyshe Bici ku verifikohet se hoteli ‘Prestige Resort’ është me leje.
Shkresa në fjalë mban firmën e Bicit, e cila është dhënë më 29 mars të vitit 2017, ndërsa sot në mënyrë kriminale, pa asnjë njoftim policia zbarkoi bashkë me fadroma të IKMT-së në ‘Prestige Resort’. Kjo leje është dhënë nga Këshilli Kombëtar i Territorit në vitin 2016-ën.
Për Ilir Metën, prishja e ‘Prestige Resort’ është një hakmarrje e Ramës ndaj mediave që çdo ditë zbulojnë aferat e qeverisë.
“Pesë vjet më parë konfirmonte zyrtarisht se “Prestige Resort” ishte me leje ndërsa sot pa paralajmërim, në shkelje të çdo ligji dhe procedure dhunon një biznes të ligjshëm dhe model, me një hakmarrje primitive dhe skizofrenike. Koha për t’i vënë fadromën bandës në pushtet që nuk njeh as Kushtetutë dhe as ligj!”, shkruan Ilir Meta.
