Ajo që dukej e paimagjinueshme ka ndodhur. Gjermania i thotë lamtumirë Kupës së Botës që në fazën e grupeve. Japonia është kualifikuar si e parë e grupit E, pas fitores 2-1 me përmbysje ndaj Spanjës, që pavarësisht se u mundën u renditën të dytët, duke lënë pas Gjermaninë që u rendit e treta.
Në grupin E, u konsumua një dramë e vërtetë pasi Japonia dhe Gjermania kaluan të parat në avantazh por më pas Japonia kundër iberikëve rikuperoi dhe u ngjit në krye te grupit duke e mbyllur këtë fazë në vendin e parë dhe duke peshkuar për më tej Kroacinë.
Spanja në njëfarë mënyre mund të gëzojë për vendin e dytë me 4 pikë pasi do të ndeshet me Marokun, duke shtruar një rrugë më të lehtë pasi nëse parashikimet respektohen, eviton në çerekfinale edhe Brazilin.
Paralelisht, Gjermania kaloi momentalisht në disavantazh 2-1 por pasi e rriti ritmin në pjesën e fundit të ndeshjes, arriti të barazonte dhe të shënonte dy gola të tjerë që për fat të keq nuk i mjaftuan sepse e mbylli grupin me 4 pikë po aq sa Spanja por me golavarazhin dukshëm më të keq se iberikët të favorizuar edhe nga 6 golat e shënuar ndaj Kosta Rikës.
Zhgënjim i jashtëzakonshëm për Hansi Flick në aventurën e parë të botërorit me Gjermaninë që largohet sërish mes zhgënjimit nga një botëror.
GOLAT E SFIDES KOSTA RIKA-GJERMANI
