Dhjetëditëshi i fundit i muajit nëëntor ka sjellë në Shqipëri edhe “ethet” e dimrit të vërtetë, teksa reshjet e dendura të shiut ia kanë lënë vendin temperaturave të ulta dhe motit të acartë.
Java e fundit e vjeshtës sakaq ka nisur me vranësira dhe kthjellime, me të hënën dhe të martën që do të jenë veçanërisht të ftohta, si pasojë e masave ajrore të ftohta me origjinë nga veriu i Europës.
Metereologia Lajda Porja ka sqaruar sot se deri ditën e mërkurë moti do të jetë përgjithësisht i kthjellët në bregdet dhe zonat e ulëta.
Në të njëjtën ditë pritet që të shtohen vranësirat, duke bërë që deri të premten një pjesë e mirë e territorit të rrezikohet nga reshjet e shiut dhe në zonat malore nga reshjet e dëborës.
Sa i përkert fundjavës pritet që të ketë shtim të vranësirave duke risjellë reshje shiu dhe dëbore në zonat malore.
Në dy ditët e para të javës tenperaturat minimale do të jenë -4 gradë Celsius në zonat malore, ndërsa maksimalet pritet të ngjiten jo më shumë se 13 apo 14 gradë.
Nga e mërkura e në vazhdim pritet një rritje graduale e temperaturave deri në vlera minimale pozitive. Vlerat maksimale do të ngjiten në 16-17 gradë Celsius.
Pjesa e dytë e javës pritet të sjellë gjithashtu shtim të intensitetit të erës dhe dallgëzim të lartë në brigjet detare.
