Kryeministri Edi Rama ka zhvilluar këtë të shtunë një takim me Changpeng Zhao, CEO i “Binance”, kompania me shkëmbimin më të madh të kriptovalutave në botë. Lajmin e ka bërë me dije ky i fundit në një postim në twitter teksa thekson se “Shtytja e adoptimit të kriptove nuk ndalet kurrë”.
“U takova me Kryeministrin e Shqipërisë, Shkëlqesinë e Tij Edi Rama në këtë të shtunë të bukur. Shtytja e adoptimit të kriptove nuk ndalet kurrë“, shkruan ai pa dhënë detaje nga takimi me Ramën.
Binance njihet si kompania më e madhe e shkëmbimit të kriptomonedhave në botë. Changpeng Zhao, është bashkëthemeluesi dhe shefi i kësaj kompanie, pasuria e të cilit vlerësohet në 17 miliardë dollarë.
Ky takim vjen pasi prej disa ditësh ish-kryeministri Sali Berisha ka akuzuar kryeministrin Edi Rama sëbashku me të vëllanë, Olsi Ramën se janë të përfshirë me një biznesmen i cili u ka vjedhur qytetarëve 2.2 mld euro përmes bitcoin.
Met with Prime Minister of Albania His Excellency
Edi Rama on this fine Saturday. Pushing crypto adoption never stops. pic.twitter.com/tabwbYCLRT— CZ 🔶 Binance (@cz_binance) November 26, 2022
