Deputetët demokratë kanë kërkuar interpelancë urgjente me Edi Ramën në seancën e sotme parlamentare, lidhur me situatën e krijuar në vend nga përmbytjet. Në rend dite është futur marrëveshja me Portin e Durrësit, e cila ka shkaktuar shumë debate mes opozitës dhe maxhorancës.
Opozita e cilëson si një aferë korruptive pasi maxhoranca kërkoi ta kalonte me procedurë të përshpejtuar dhe akuzon qeverinë se nuk ka bërë transparencë.
Kryetarja e Kuvendit, Lindita Nikolla nuk i dha fjalën kreut të PD-së, Sali Berishës për replikë, ndërsa në këto moment deputetët e opozitës janë afruar pranë foltores.
Teksa Garda kishte rrethuar foltoren bashkë me deputetët e opozitës dhe kreun e PD Berisha, mazhoranca votoi me 71 vota pro për të diskutuar me 6 orë në lidhje me projektin e investimit strategjik “Marina & jahtet e Durrësit”
Me tone të forta nënkryetari i Partisë së Lirisë, Petrit Vasili ka kundërshtuar hedhjen për votim të diskutimit prej 6 orësh. Ai tha se të tilla propozime nuk mund të hidhen në votim.
“Nuk hidhen të votim të tilla propozime, por vetëm ndryshimet në rendin e ditës. Nuk kemi të bëjmë me ndryshime të rendit të ditës. Nuk është se njëra palë vendos për tjetrin. Rregullorja flet qartë. E rë pusho ti! Rregullorja nuk vendoset në mënyrë të njëanshme, mos vendosni në mënyrë të tillë.”, tha Vasili
