Seanca plenare e kësaj të enjteje ka nisur me tensione, teksa kryetari i Partisë Demokratike, Sali Berisha kërkoi fjalën për replikë, pas fjalës që pati kreu i Grupit Parlamentar të Partisë Socialiste, Taulant Balla.
Berisha bllokoi foltoren e Kuvendit dhe kryeparlamentarja Lindita Nikolla nuk ia dha fjalën, pasi sipas saj, ai kishte shkelur rregulloren.
Duke mos patur të drejtën e fjalës, Berisha hyri live nga llogaria e tij në rrjetin social, Facebook.
Berisha e akuzoi Nikollën se nuk po i jep fjalën në mënyrë të padrejtë.
“Të drejtat tona do zbatohen këtu. Unë përfaqësoj këtu kundërshtarët tuaj. Nëse dhunoni të drejtat tona, do nisim qëndresën në Kuvend. Këta këtë duan, që të vendosin censurën, terrin. Kur vjedhin, duan të vendosin terrin” -tha Berisha.
