Protesta e Gjermanisë kundër ndalimit të mbajtjes së shiritit ylber vazhdon të shkaktojë polemika. I fundit që ndërhyri për këtë çështje ishte Eden Hazard, kapiteni i Belgjikës. Fantazisti i Real shprehu mjaft qartë mendimin e tij: “Nuk ndihem i qetë të flas për këtë, sepse jam këtu për të luajtur futboll. Gjesti i Gjermanisë? Po simbolik, por më pas e humbën ndeshjen. Më mirë do të kishin bërë të mos e bënin dhe të fitonin në vend të kësaj. Ne jemi këtu për të luajtur futboll, jo për të dhënë një mesazh politik”, tha Hazard.
Fjalët e Hazard, në mënyrë të pashmangshme janë të destinuara për të ngjallur polemika. Belgjika ishte një nga shtatë Federatat, të cilat, hoqën dorë nga mbajtja e shiritit “One Love”, pas kërcënimeve të FIFA-s. Mbajtja e këtij shiriti me ngjyrat e ylberit, ishte menduar në mbështetje të të drejtave të LGBTQ+.
Presidenti i Federatës Gjermane të Futbollit kishte folur për “kërcënime të qarta” dhe “censurë”. Më pas, gjermanët zgjodhën një tjetër mënyrë për të protestuar. Para humbjes me Japoninë, lojtarët e Flick dolën në foton para ndeshjes me dorën para gojës.
HOLANDA E DANIMARKA LËNË VETËM GJERMANINË
Trajneri i Holandës, Louis van Gaal tha në konferencë se skuadra nuk do të ndërmarrë asnjë veprim të mëtejshëm. “Sepse ne i kemi dhënë fund të gjitha çështjeve politike të enjten kur ftuam emigrantët – tha Van Gaal –. Deri më tani ka qenë vetëm për të drejtat e njeriut dhe ndoshta është e drejtë kështu dhe ndoshta jo. Por unë mendoj se mjafton”, shtoi ai. Van Gaal në fund u pyet nëse mendonte se ekipi gjerman do të dëmtohej nga gjesti i tij politik. “Kjo është çështja. Nuk dua të rrezikoj. Ne jemi këtu për t’u bërë kampionë bote”, përfundoi Van Gaal.
Lexo më tej:FOTO/ Shiriti ‘One Love’ u ndalua nga Fifa, Gjermania protestoi kështu
Pasi ishte, së bashku me Gjermaninë, kombëtarja lider e protestave kundër të drejtave të njeriut të mohuara në Katar, Danimarka ndryshoi strategji: “Ne jemi këtu për të folur për futbollin dhe ndeshjen e së shtunës (në Doha kundër Francës, ed). Ne folëm tashmë për temat e tjera dje,” tha menaxheri i komunikimit i federatës, Jakob Hoyer.
