Është arrestuar në Vlorë një shtetas i shpallur në kërkim nga autoritete italiane, si pjesëtar i një organizate kriminale me veprimtari në fushën e narkotikëve.
Policia bën me dije se në pranga ka rënë shetasi Alfons Gjikaj.
“Në kuadër të operacionit policor të koduar “Member”., në lagjen “Lef Sallata”, Vlorë, u bë kapja dhe arrestimi i përkohshëm i shtetasit A. Gj., 31 vjeç, banues në Vlorë.
Ky shtetas ishte shpallur në kërkim ndërkombëtar, pasi autoritetet italiane kanë lëshuar një urdhër-arrest ndaj 31-vjeçarit, në vitin 2020, për veprën penale “Prodhimi dhe shitja e narkotikëve”, kryer në formën e organizatës kriminale, parashikuar nga Kodi Penal i Italisë”, njofton policia.
Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme.
