Deputeti Xhelal Mziu, teksa foli për përmbytjet e ndodhura në Shkodër dhe në Lezhë, ja vendosi fajin qeverisë dhe për humbjen e jetës së bab e bir të cilët u morën nga rrjedha e përroit në Malësi të Madhe.
“Në këtë vit ka ndodhur një situatë që është totalisht për shkak të fajit të qeverisë. Ministrja ishte në Komisionin e Veprimtarive Prodhuese për të raportuar për buxhetin e vitit 2023 dhe kishte të bënte me energjinë elektrike dhe tha se do të kemi reshje masive shiu. Ndodhën 2 gjëra me datë 20 ra shi dhe hapi portat e Komanit duke përmbytur qindra hektarë dhe duke nxjerrë nga familja qindra qytetarë nga familjet e tyre. Më e dhimbshmja ishte vdekja e dy personave që erdhën për shkak të neglizhencës së shtetit. Sepse 2 persona që po kalonin në një pikë që ajo është thuajse gjithë kohës e thatë, por kur ka shira bëhet rrezik reale se nuk ka urë që tejkalon ujërat”, tha ai në një intervistë për Ora News.
Sipas tij, Qeverisja qendrore së bashku me emergjencat civile duhet me patjetër në këto pika risku, të kishin vendosur persona që ndalonin lëvizjen e mjeteve.
” Qeverisja qendrore së bashku me emergjencat civile duhet me patjetër në këto pika risku duhet të kishte persona që ndalonin lëvizjen e mjeteve. E para patëm humbje jete dhe për këtë duhet të mbajë përgjegjësi kjo qeveri dhe e dyta nuk i parapriu të bëjë zbrazjen e hidrocentralit të Vaut të Dejës”.
Sakaq, ai nuk la pa përmendur as blerjen e energjisë me një çmim marramendës.
“Ajo që është më kriminale është që në 6 ditë janë importuar plot 9.7 milion euro energji. Kemi abuzim sa i përket blerjes, kemi abuzim sa i përket menaxhimit të hidrocentraleve dhe për pasojë kemi krijuar këtë situatë kaotike. Në buxhetin e vitit që do të vijë nuk është parashikuar asgjë për përmbytje”, tha ai.
