Kryeministri i Maqedonisë së Veriut, Dimitar Kovaçevski, ka deklaruar sot se” gjuha shqipe është gjuha e vëllezërve të mi”. Këtë deklaratë ai e bëri në Akademinë Solemne me rastin e 114 vjetorit të Ditës së Alfabetit të Gjuhës Shqipe. Në fjalën e tij Kovaçevski u shpreh se pranimi i gjuhëve në shtet është vlerë evropiane.
“Sot jam këtu para se të gjithash, i vetëdijshëm se sa gjuha maqedonase dhe alfabeti kanë rëndësi për mua dhe çfarë nderi kam kur pranohet gjuha ime, për këtë të njëjtin nder e tregoj çdo herë dhe për çdo gjuhë që nuk është gjuha e ime anëtare.
Gjuha nuk është vetëm mjet komunikimi, me të cilin do të kuptohemi, por është pjesë e identiteti tonë dhe e kodit tonë gjenetik. Vepra e miratimit dhe respektimit të gjuhëve tregon një mënyrë evropiane, civilizuese dhe përparuese të funksionimit në botë”, u shpreh kryeministri Kovaçevski.
