33-vjeçari E. Sh i cili u arrestua një ditë më parë në fshatin Bubq për llogari të shtetit italian mësohet se ishte pjesë e një bande shqiptare prej tre personash që kishin kryer vjedhje me pasoja të rënda në shtetin fqinj.
Dy bashkëpunëtorët e tij ishte arrestuar më herët në Itali, ndërsa pritet dhe ekstradimi nga Shqipëria i 33-vjeçarit pas përfundimit të procedurave.
E.Sh mësohet rezident në zonën e Barit dhe ishte shpallur në kërkim ndërkombëtar nga policia italiane.
Ndaj tij është lëshuar më 7 nëntor 2021 një urdhër arresti me burg nga gjyqtari hetues i Gjykatës së Avellino-s, pasi akuzohet për vjedhjen e një banese.
Faktet, siç raporton “AvellinoToday”, datojnë që një vit më parë.
Hetimet nga karabinierët e stacionit lokal nisën pasi u raportua një vjedhje në një shtëpi në Calitri, në zonën e Avellinos.
7 nëntorin e vitit të kaluar, kur Karabinierët e Compagnia di Sant’Angelo dei Lombardi zbatuan dispozitën, 33 vjeçari ndodhej në vendin e tij të origjinës, ndërsa 2 bashkëpunëtorët e tjerë të dyshuar, gjithashtu banues në provincën e Barit,u arrestuan dhe u dërguan në burg.
Sipas hetimeve të hetuesve, banda e përbërë nga 3 shqiptarë është autore e 8 vjedhjeve të kryera në banesa në zonën e Avellino-s mes bashkive Calitri, Lioni, Sant’Angelo dei Lombardi dhe Conza della Campania, në muajt e fundit të 2021.
