Moti i keq në vend ka sjellë edhe probleme dhe me energjinë në disa zona të Shqipërisë.
Për shkak të reshjeve të dendura të shiut, pati defekt në linjën 35kV Shkodër –Velipojë, ndërsa pa drita ngelen Dajçi, Trush2, Cas dhe hidrovorin Vilu.
“Moti i keq me shkarkime atmosferike solli probleme në linjën 35kV Shkodër -Velipojë. Gupet e njësisë Tensioni i Lartë pranë OSSH punuan gjatë natës dhe në 00:12 vendosën në funksion rrjetin elektrik, duke rikthyer furnizimin me energji elektrike të n/stacioneve Dajç, Trush2, Cas dhe hidrovorin Vilu”, njofton OSHEE.
Ministria e Mbrojtjes ka dalë me një njoftim në orët e para të mëngjesit të sotëm ku bën të ditur se pesë qarqe të vendit mund të rrezikojnë përmbytjet.
Kjo për shkak të motit të keq që ka përfshirë vendin prej disa ditësh.
Në qarqet Shkodër, Lezhë, Kukës, Vlorë dhe Gjirokastër, pritet të ketë reshje intensive të cilat mund të sjellin vërshime të përrenjve dhe lumenjve të vegjël dhe përmbytje në zonat urbane.
