Inflacioni në Eurozonë arriti në 10.6 për qind, sipas të dhënave të publikuara nga zyra europiane e statistikave Eurostat.
Në vlerësimin paraprak në fund të muajit të kaluar institucioni e kishte parashikuar në 10.7%.
Inflacioni në 19 vendet e monedhës së përbashkët është tashmë i lartë dhe vijon të arrijë rekorde të reja.
Në shtator, çmimet e konsumit u rritën me 9.9% nga viti në vit.
Ashtu si në muajt pararendës çmimet e elegjisë ndikuan veçanërisht në rritjen e inflacionit. Po ashtu edhe çmimet e ushqimeve, alkoolit dhe duhanit u rritën shumë. (+13.1%).
Në Bashkimin Europian në tërësi, inflacioni arriti në 11.5% muajin e kaluar, krahasuar me 10.9% në shtator.
Sipas Eurostat, inflacioni në Belgjikë ishte 13.1%.
Eurostat përdor një metodë llogaritjeje ndryshe nga ajo e zyrës statistikore belge Statbel, e cila vlerësoi inflacionin në 12.27% muajin e kaluar, niveli më i lartë që nga qershori 1975./Monitor
