Ish-deputeti Lefter Maliqi deklaron se kryeministri Rama po panikoset se do ti humbë zgjedhjet e 14 majit në Berat, prandaj ai ka urdhëruar vartësit e tij të sigurojnë “votat e fitores edhe nga dheu”.
Maliqi shton se Rama zotohet se vulën e PD-së do ja japë Alibeajt, por harron se “shqiptarët njohin vetëm përfaqësuesit e vlerave, që mendojnë për hallet ku i ka futur kjo qeveri, ndaj edhe vetë shprehet se do të kenë betejë të fortë në Berat, Kuçovë e Skrapar”.
Ish-deputeti paralajmëron Ramën se s’ka parë ende asgjë dhe uragani i fitores nuk do të ndalet. Ai shprehet se 15 Maj do jetë dita e çlirimit të Tiranës nga mafia lokale dhe fitorja e opozitës së bashkuar, në mbarë vendin, dita e rikthimit të demokracisë, pluralizmit politik dhe ndryshimit të madh.
“Diktatori Rama në panik nga humbja e zgjedhjeve edhe në qarkun e majtë!
Dje në takimin në Berat urdhëron strukturat të fikin telefonat. Urdhëron drejtorët të japin dorëheqje në kor dhe të zbresin në baze ti nxjerrin votat nga dheu. Shprehet se nuk e lë pushtetin, kërkon me presione të luftojnë!
Duket se ka caktuar dhe fatin e vulës së PD-së! Zotohet se do ja jap Alibeajt! Sikur të ishte Zot! Por për Zot Shqipëria e shqiptarët njohin veç përfaqësuesit e vlerave, që mendojnë për hallet ku i ka futur kjo Qeveri Piramidë! Ndaj siç e shpreh dhe vet do të kenë betejë të fortë në Berat, Kuçovë e Skrapar. Kërkon mbështetje të detyruar për këdo kandidat duke sforcuar fitoren edhe të më ‘guakut’ kantidat, etj. etj. Beratin, Kuçovën e Skraparin madje 40 Bashki në vend do i fitoj opozita!
Pushteti lokal do u kthehet shqiptarëve dhe shumë shpejt edhe pushteti qëndror! Dyshja Meta-Berisha të del në ënderr ty! U mësove me ‘Lulen’ që ti dhuroj të gjitha dhe shiti PD-në dhe i futi thikën pas shpine ish-LSI sot Partia e Lirisë.
Uragani s’ndalet! S’ke parë gjë akoma! Piramida jote kokë-poshtë po vet shpërbëhet! Fitorja u përket patriotëve, atdhetarëve e jo tradhetareve si ty; që shpopullove vendin i varfërove, i vodhe, i vrave shpresat dhe gjithçka tjetër! Berat-Kuçovë-Skrapar fitore e sigurt. Në 15 Maj dita e çlirimit të Tiranës nga mafia lokale dhe fitorja e opozitës së bashkuar, në mbarë vendin. Dita e rikthimit të demokracisë, pluralizmit politik dhe ndryshimit të madh. Shpresa, besimi po kthehet.”- shkruan Maliqi krahas fotos ku shfaqet në malin Shpirag, Berat.
