Katër shtetas shqiptarë arrestohen në lidhje me zbarkimin e paligjshëm të një skafe të vogël në plazh në Kent
Katër shtetas shqiptarë janë arrestuar në Kent, pasi akuzohen për trafikimi të qenieve njerëzore, pasi një gomone mbërriti të hënën e 14 nëntorit në brigjet e St. Margaret’s.
Home Office bën me dije se dy burra të dyshuar se kanë bërë të mundur lundrimin e sigurt të gomones drejt Britanisë janë arrestuar dhe akuzohen se kanë lehtësuar hyrjen e paligjshme, pasi u larguan me dy emigrantë
Ata dyshohen se janë anëtarë të një grupi të krimit të organizuar. Ndërkohë dy shqiptarët e tjerë u arrestuan më 15 nëntor pasi kishin hyrë ilegalisht në Britaninë e Madhe.
“Këto arrestime tregojnë vendosmërinë tonë të qartë për të goditur me shpejtësi këdo që përpiqet të shmangë ndaljen nga policia dhe të hyjë ilegalisht në vendin tonë. Falë punës së ekspertëve të ekipeve tona, ne do të vazhdojmë të jemi vigjilentë ndaj aktiviteteve të paligjshme si kjo dhe të nxjerrim përgjegjësit para drejtësisë”, tha ministri i Emigracionit, Robert Jenrick.
