Policia ka arrestuar këtë të Mërkurë dy shtetas të cilët në bashkëpunim me njëri-tjetrin kanë u kapën duke vjedhur pajisje të ndryshme, në një servis automjetesh.
Në pranga kanë rënë E. R., 28 vjeç dhe D. A., 25 vjeç, banues në lagjen nr.16, Durrës.
“Si rezultat, u arrestuan për veprën penale “Vjedhja”, kryer në bashkëpunim, shtetasit E. R., 28 vjeç dhe D. A., 25 vjeç, banues në lagjen nr.16, Durrës, pasi u kapën në flagrancë duke vjedhur pajisje të ndryshme, në një biznes (servis automjetesh). Nga veprimet hetimore të kryera në kuadër të operacionit “Pajisjet”, ka rezultuar se këta shtetas janë autorë dhe të 3 vjedhjeve të të tjera, konkretisht:
- Më datë 10.10.2022, kanë vjedhur në banesën e një shtetaseje, në fshatin Arapaj, Durrës;
- Më datë 12.10.2022, kanë vjedhur në banesën e një shtetasi, në fshatin Qerret, Durrës;
- Më datë 14.10.2022, kanë vjedhur në banesën e një shtetaseje, në lagjen nr.17, Durrës”, njofton polica.
Vijon puna për zbardhjen dhe dokumentimin e vjedhjeve të tjera që mund të jenë kryer nga këta shtetas.
