Kryeministri Edi Rama, ditën e sotme ka pritur presidentin e Azerbaixhanit, Ilham Aliyev.
Në profilin e tij në “Facebook”, Rama bën me dije se ky takim ishte mjaft i dobishëm pasi u diskutua për projekte të përbashkëta në fushën e energjisë i cili do të nisë me një bashki që do të përcaktohet në një nga pikëkontaktet me TAP-in deri tek vendosja e piketave konkrete, për ndërtimin e një rafinerie të cilën e quan “ultramoderne”.
“Me Presidentin e Azerbaixhanit, mikun e dashur Ilham Aliyev, patëm sot një bashkëbisedim si gjithmonë shumë miqësor, por edhe vërtetë të dobishëm për projekte të përbashkëta në fushën e energjisë, që nga nisja e programit të gazifikimit me investim të Azerbaixhanit, i cili do të nisë me një bashki që do të përcaktohet në një nga pikëkontaktet me TAP-in deri tek vendosja e piketave konkrete, për ndërtimin e një rafinerie ultramoderne, e cila do t’i japë fund edhe varësisë së vendit tonë nga nafta e importit”, shkruan Rama.
