Kolumnisti i Bloomberg, Andreas Kluth, ka sulmuar ashpër presidentin turk Rexhep Tajip Erdogan për qëndrimin e tij brenda NATO-s dhe veçanërisht për tensionin që po shkakton në Egje duke kërcënuar me luftë Greqinë.
Ai madje përmendi edhe qëndrimin egoist të presidentit turk në lidhje me Aleancën e Atlantikut të Veriut.
Sipas tij, “Erdogan është jashtë kufijve të tij pikërisht në Egje” , duke vënë në dukje se armiqësia midis dy aleatëve është tensioni më i keq i brendshëm në NATO në dekada”.
Në artikullin e Bloomberg, shkruhet ajo që ka ndodhur gjatë kohëve të fundit në Egje “me grekët që ankohen se turqit po shkelin vazhdimisht ujërat territoriale kombëtare dhe hapësirën ajrore kombëtare”, raporton abcnews.al.
“Me aleatë si këta, çfarë nevoje keni për armiqtë? “Ishujt që keni nuk krijojnë një lidhje mes nesh”, sfidoi Erdogan grekët. “Ne do të bëjmë gjithçka që është e nevojshme kur të vijë koha. Dhe ne mund të reagojmë papritur edhe brenda natës.
“Të gjitha aleancat, si shumica e familjeve, kanë tensionet e tyre. Dhe Erdogan ka luajtur tashmë rolin e bishës prej vitesh, aq shumë sa bleu një sistem kundërajror nga Putini”, shton Kluth.
Megjithatë, siç thekson ai, “ndryshe nga Hungaria, Turqia është strategjikisht e pazëvendësueshme pasi ka ushtrinë e dytë më të madhe në NATO pas SHBA-së dhe falë pozicionit të saj gjeografik mund të vendosë forca në Detin e Zi, Egje dhe Mesdhe si dhe në Europën Juglindore, Afrikën Veriore, Kaukaz dhe Lindjen e Mesme”.
“Të kuptosh se çfarë dëshiron vërtet Erdogan është bërë qëllimi i dytë i NATO-s pas analizimit të mendimeve të Putinit.
A po krijon kaos Erdogan përpara zgjedhjeve? A po krijon “boshllëqe” për të bërë marrëveshje ushtarake me SHBA-në?
A dëshiron të rikthejë imazhin e perandorisë osmane në Turqi ashtu siç kërkon të bëjë Putini për rikthimin e perandorisë ruse?
Mbi të gjitha, a është Erdogan një aleat i besueshëm në rast të një lufte?
Por ka një qëllim që duhet të përmbushet: të parandalojmë Putinin nga përshkallëzimi i luftës në Ukrainë. Kjo është ajo që turqit duhet t’i kujtojnë presidentit të tyre sepse është në interes të Turqisë dhe NATO-s”.
