Cristiano Ronaldo ka tronditur futbollin anglez me deklaratën e tij të fortë kundër klubit të Mançester Junejtid dhe trajnerit Erik ten Hag. Një intervistë që praktikisht mbyll dyert e tij te “djajtë e kuq” duke siguruar me forcë një transferim në janar. Por për portugezin pak kishte rëndësi, pasi ai do të jetë për një muaj larg klubit anglez, sepse i është bashkuar Portugalisë për pjesëmarrjen në Botëror.
Edhe pse lojtari raportohej si “i sëmurë” nga klubi, ndaj edhe mungoi në dy ndeshjet e fundit, ai nuk dukej aspak i tillë në stërvitjen që zhvilloi sot me Portugalinë. Ai është shfaqur normalisht dhe ka zhvilluar stërvitje të rregullt sot pasdite me shokët e tij në qendrën stërvitore të Portugalisë, ku kanë nisur përgatitjet për pjesëmarrjen në Katar 2022.
Përfaqësuesja e Portugalisë do të luajë në një miqësore kundër Nigerisë të enjten në Lisbonë, para se të udhëtojë drejt Katarit, ku vetëm të enjten e ardhshme luan ndeshjen e parë kundër Ganës, para se të përballet më pas me Uruguain dhe Korenë e Jugut në sfidat e tjera.
Foco total e absoluto nos trabalhos da Selecção Nacional. Grupo unido, rumo a um só objectivo: realizar o sonho de todos os portugueses! pic.twitter.com/iu2qlJvb62
— Cristiano Ronaldo (@Cristiano) November 14, 2022
