Në orën 13:00, në stadiumin “Arena Egnatia”, do të luhet derbi i Durrësit, Teuta-Erzeni.
Durrsakët e Bledi Shkëmbit ndodhen në vendin e fundit dhe kërkojnë kthesën pas tre ndeshjesh pa fitore, e njëjta gjë vlen edhe për ekipin shijakas të Xhevahir Kapllanit, teksa synojnë triumfin, të cilëve u mungon prej dy takimeve.
Vlen të theksohet se ky takim do të luhet në Rrogozhinë, pasi fusha e stadiumit “Niko Dovana”, i është nënshtruar mbjelljes së barit.
Në orën 16:00, në stadiumin e ri “Partizani”, do të zhvillohet dueli Partizani-Bylis.
Një ndeshje që do të luhet nën dritat e prozhektorëve, e para për të kuqtë nga kryeqyteti në impiantin e ri në kampionat, teksa duan fitoren pas dy humbjeve radhazi.
Ndërsa ballshiotët e Arian Bellait e shohin veten në vendin e parafundit me 5 sfida radhazi pa fitore, duan kthesën me çdo kusht.
NDESHJET E DITËS SË SOTME NË KATEGORINË SUPERIORE
