Ish-deputeti, Alqi Bllako, i akuzuar deri tani për abuzimet me incineratorin e Fierit, rrezikon të merret i pandehur edhe për inceneratorin e Elbasanit.
Rtv Ora raporton se ka siguruar një pjesë të materialit hetimor që organi i akuzës ka vënë në dispozicion të avokatëve mbrojtës të të pandehurve, ku ka analizuar në mënyrë të detajuar abuzimet që janë bërë në këtë incinerator.
Në këtë material thuhet se: “Bazuar në dokumenta të administruara gjatë hetimit provohet fakti dhe krijohet bindja se shtetasi Alqi Bllako në cilesinë e sekretarit të Përgjithshëm të Ministrisë së Mjedisit në bashkëpunim edhe me shtetasit Pëllumb Abeshi, Etleva Kondi, Jonid Zeqo Bardhul Çabiri Serafin Pepa në cilësinë e anëtarëve të dhënies së koncesionit si dhe në bashkëpunim me shtetasin Lefter Koka në cilësine e Ministrit të Mjedisit kanë konsumuar të gjithë elementët e veprës penale “shpërdorim i detyrë të kryer në bashkëpunim”.
Gjithashtu në material thuhet se prokuroria ka arritur ne konkluzionin se është provuar edhe fakti se shtetasit Mirel Mërtiri, Stela Gugallja dhe Klodian Zoto kanë konsumuar ve veprat penale të “korrupsionit aktiv të fuksionarëve të lartë shtetërore ose i të zjedhurve vendorë” si dhe “pastrim i produkteve të veprimtarisë kriminale e kryer në rrethana cilësuese në bashkëpunim”.
Ndërkohë mësohet se Prokuroria e Posaçme ka ndarë çështjen për kompanitë fiktive nga të pandehurit duke ia dërguar për konpetencë prokurorisë dhe gjykatë së Durrësit.
Avokatët kanë edhe disa ditë kohë për të paraqitur pretendimet e tyre me pas dosja do të shkojë në gjykatë për seancë paraprake, ku të gjithë të pandehurit mësohet se do të kërkojnë gjykim të shkurtuar.
/Ora News/
