Kukësi nuk po kalon një periudhë të mirë në këtë sezon dhe nga një ekip për titull, është kthyer në një skuadër që lufton për mbijetesën. Kjo mund të sjellë edhe ndryshimin e radhës në pankinë e verilindorëve.
Ndeshjen e sotme në Kamëz mes Kastrioti dhe Kukësit e ka ndjekur përkrah presidentit Safet Gjici edhe trajneri i njohur kosovar Bylbyl Sokoli, siç shihet nga pamjet e siguruara nga “Panorama Sport”.
Tekniku 63-vjeçar është një emër i cili është shfaqur shumë shpesh pranë stolit të verilindorëve dhe prania e tij në Kamëz për këtë ndeshje nuk është aspak rastësore.
Në një situatë kur Kukësi nuk ia del të fitojë prej 4 ndeshjesh radhazi dhe ndodhet në zonë e ftohtë të klasifikimit, nuk duket aspak çudi që në pauzën e kampionatin të ketë një tjetër ndryshime pankinë, pas asaj që ndodhi pak javë më parë me largimin e Gegës dhe afrimin Dobit.
