Aktivistja e Skavicës nga SHBA-të, Ferzileta Gjika i është bashkuar protestës së sotme, teksa ka dhënë një mesazh për të gjithë shqiptarët.
Gjika iu bën thirrje shqiptarëve të bashkohen në protestë për të mbrojtur vendin, teksa thotë se kjo protestë është përgjegjësi historike për brezat që do vijnë.
Gjika: “Vij nga SHBA-të për të protestuar kundër padrejtësive që i bëhen popullit shqiptar. Jam me origjinë nga Dibra, punoj si pedagoge pranë universitetit të Nju Jorkut. jam këtu sot për t’i thënë jo eksodit të shqiptarëve. Unë i them jo korrupsionit dhe krimit dhe projekteve mafioze si ai i Skavicës.
HEC-i i Skavicës do të shkatërrojë peizazhin madhështor të Dibrës, do të vjedhë ujin e Drinit, do të shuajë Dibrën dhe dibranët dhe të gjithë speciet unike në Shqipëri dhe Ballkan. Është një vdekje e lumit Drin. Sot i bëj thirrje qeverisë, ndaloni këto pazare që bëhen me Dibrën. Dibranë e shqiptarë kudo që jeni historia po ju thërret. Sot kemi përgjegjësinë historike ndaj brezave që do vijnë, që Dibrën ta trashëgojmë siç e ka krijuar Zoti”.
