Policia italiane ka arrestuar këtë të premte një 21-vjeçar shqiptar me urdhër të Gjykatës së Bolzanos pasi akuzohet për vrasje në tentativë të të dashurës së tij.
Sipas mediave vendase, hetimi nisi pas një ndërhyrjeje jashtë një ambienti publik në Bolzano për përplasjen e një vajze nga një automjet, drejtuesi i së cilës më pas u largua.
E reja, e lidhur me të dyshuarin, ishte goditur nga i njëjti pas një mosmarrëveshje të ndodhur jashtë dhomës, duke i shkaktuar fraktura të shumta.
Veç kësaj, aktiviteti zbuloi edhe një sjellje obsesive të shqiptarit, e cila në të kaluarën ishte shfaqur tashmë në sulme të shumta fizike ndaj partneres së tij.
Saktësohet se bëhet fjalë për hetime paraprake dhe se ekziston prezumimi i pafajësisë së personit nën hetim apo të akuzuarit deri në konstatimin e fajësisë me një dënim apo dekret penal të dënimit të parevokueshëm.
