Një shtetas shqiptar është lënë në burg nga autoritetet malteze, pasi tërhoqi një pako postare brenda së cilës kishte 300 gram kokainë.
38-vjeçari Sotir Hoxhaj me banim në Maltë ra në kurthin e policëve të cilët zbuluan pakon postare të dyshuar, por vendosën ta telefonojnë për të kryer “dorëzimin e kontrolluar”.
Shqiptari doli për të marrë pakon postare kur u thirr në telefon nga agjentët e policisë, dhe për tërheqjen e saj paraqiti dokumente të falisfikuara.
Këtë të premte gjykata vendosi ta lerë pas hekurave, ndërsa ai tashmë akuzohet për import dhe përdorim kokaine, jo për përdorim personal si dhe për falsifikim dokumentesh.