Një megaoperacion është zhvilluar në Itali, ku në pranga kanë rënë 42 persona, italianë, spanjollë dhe shqiptarë, mes të cilëve një person me precedent të theksuar kriminal në trafikun ndërkombëtar të drogës dhe banda mafioze.
Janë sekuestruar 6 tonë marihuanë dhe hashash të cilat janë trafikuar nga Spanja në Lombardi gjatë viteve 2019 dhe 2021. Të ardhurat e paligjshme transferoheshin me sistemin e ashtuquajtur ‘hawala’.
Hetimet konstatuan se grupi kriminial përdorte rrjete logjistike të gjera për furnizimin, transportin, ruajtjen dhe shpërndarjen e drogës të krijuara nëpërmjet kompanive të shumta guaskë.
Grupi kriminal përdorte pajisje të telefonave inteligjentë me aplikacione të sofistikuara për transmetimin e koduar të komunikimeve.
Mes të arrestuarve në hetimin nga Gdf dhe DDA e Milanos, që çoi në 42 masa paraprake dhe çmontoi një trafik droge midis Spanjës dhe Italisë, është edhe një ish-oficer i ushtrisë, Rosario D’Onofrio. Sipas hetimeve, ish-ushtaraku, edhe në periudha izolimi në mes të pandemisë Covid, vishte një kamuflazh për të lëvizur më lirshëm dhe merrej me transferimin e ngarkesave të drogës.
Mes të arrestuarve ishte edhe trafikanti i drogës Giovanni Neviera, i cili besohet se ishte i lidhur me një klan mafioz nga Bari, Abbaticchio, dhe tashmë i dënuar për shoqatë mafioze dhe trafik droge.
