Për ditën e premte vendi ynë do të jetë nën ndikim të kushteve atmosferike relativisht të qendrueshme. Moti parashikohet me alternime kthjellimesh dhe vranësira deri mesatare, sipas Shërbimit Meteorologjik Ushtarak.
Në relievet malore në verilindje të vendit, parashikohen reshje të izoluara shiu me intensitet të ulët. Në orët e mëngjesit pritet prezencë të mjegullës dhe mjegullinës përgjatë luginave.
Era do të fryjë nga kuadrati i veriut me shpejtësi mesatare 1-8m/sek, e cila hera-herës përgjatë vijës bregdetare dhe zonave luginore kryeisht në veri të vendit fiton shpejtësi deri në 16m/sek.
Valëzimi në dete pritet i forcës 2-3 ballë.
Temperaturat parashikohen:
- në zona malore 3 deri 15°C
- në zona e ulëta 3 deri 20°C
- në zona bregdetare 10 deri 21°C
