Deputeti demokrat Ervin Salianji, në një prononcim për mediat jashtë parlamentit, tha se pas gjuhës të shfaqur nga kryeministri Edi Rama sot në parlament fshihet shqetësimi për protestën e 12 nëntorit.
“Rama është një personazh i shfazuar me një gjuhë që nuk i takon gjuhës parlamentare. Por këtu janë të gjithë të kapur e të tredhur. Mendon se është me ata që i ka rreth e rrotull dhe i komandon dhe i sjell si kukulla.
Shqetësimi kryesor për të është protesta e datës 12 nëntor”- tha Salianji.
Kërkesa e mazhorancës në kuvend për të miratuar me procedurë të përshpejtuar zhvendosjen e portit të Durrësit dhe ndërtimin e vend qëndrimit të jahteve si dhe të investimeve në zonë solli debate sot në sallën e parlamentit.
