Një 34-vjeçar shqiptar u arrestua në kuadër të një operacioni të koordinuar policor për import, trafik dhe mbajtje kanabisi si dhe shkelje të legjislacionit për të huajt.
Sipas mediave vendase, shqiptari i lartpërmendur, i cili, siç konstatohet, kishte hyrë më herët në vend nga një pikë e paligjshme, së bashku me bashkëpunëtorin e tij, është pikasur në një zonë rurale të Kastorisë.
Policia gjeti dhe sekuestroi 4 thasë, në të cilat ndodheshin gjithsej 70 pako me kanabis, me peshë totale 74 kilogramë e 370 gramë , të cilat, siç rezultoi, i mbanin të dy më sipër dhe i hodhën në tentativë për tu arratisur.
Gjithashtu, të arrestuarit i janë konfiskuar edhe 2 aparate celularë dhe shuma prej 200 eurosh.
Vazhdojnë hetimet për identifikimin dhe kapjen e bashkëpunëtorit të tij. I arrestuari për çështjen penale të ngritur në ngarkim të tij do të dërgohet në Prokurorinë e Rrethit Kastoria.
