Nga Boldnews.al
Loja më shumë se e pisët me parimin kërcënim dhe falje, po zbatohet nga kryeministri Edi Rama dhe bishtat e institucioneve shtetërore që janë në varësi jo vetëm institucionale, por edhe karakteriale të kreut të qeverisë. Edhe këtë muaj çmimi i energjisë elektrike nuk do të rritet për abonentët që kalojnë mbi 800 kilovat orë. Gjoja lajmin e “madh” të mirë e tha vetë Rama.
“Shifrat e kursimit të energjisë për muajin tetor janë domethënëse dhe na japin mundësinë që fashën prej 800 kilovatësh të mos e aplikojmë as për muajin nëntor, duke konsideruar gjithashtu parashikimet e motit me reshje në vijim, si edhe një rënie të caktuar në çmimin e tregut ndërkombëtar të energjisë. Vetëm duke qenë të bashkuar me të vërtetat e kësaj situate ne mund dhe do ta përballojmë edhe këtë sfidë, ku THEMELOR MBETET KURSIMI”, shkruan Rama.
Po kush ja “ngriu gjakun” qytetarëve të trembur nga dhuna verbale qeveritare që i kërcënon se do i rjepë paratë në xhep dhe më pas u thotë: ishte shaka? Në këtë lojë me energjinë që zë si korent këdo të varfër është përfshirë ERE (Enti Rregullator i Energjisë). Institucioni analizon situatën energjitike dhe përcaktopn çmimet, por në dy muajt e fundit që të gjithë përfaqësuesit e ERE-s janë kthyer në klloun të Ramës.
Fillimisht dalin me deklarata se kanë miratuar vendimin për rritjen e çmimit të energjisë elektrike për të gjithë konsumatorët që shpenzojnë mbi 800 kilovat orë. Tarifat janë vërtetë të frikshme ku për çdo shpenzim mbi 800 kilovat orë do të llogaritej çmimi 42 lekë nga 9.5 që është. Kështu deklaruan në tetor, ku vetëm një ditë para se të hynte në fuqi vendimi doli Rama dhe tha se qeveria kishte vendosur ta anulonte, për të shtyrë në muajt në vijim. Në fakt kjo ishte një lëvizje taktike e Ramës i cili i druhej reagimit popullor.
I zhytur në ujërat e ndotura të korrupsionit, vendimi për rritjen e çmimit të energjisë do të derdhte qytetarët në rrugë. Rama u tërhoq, por ERE veshi sërish kostumin e kllounit për të dhuruar shfaqjen e radhës për “Mbretin e Rilindjes”.
Edhe për muajin Nëntor ERE u shfaq me të njëjtën deklaratë se do të rriste çmimin e energjisë, por si gjithnjë kjo ishte forma për të nxjerrë sërish “zemërbardhin” kryeministër i cili “mendon” për qytetarët…
Perversiteti propagandistik nuk përfundon me kaq. Pasi ERE tregohet “e keqe”, del “i miri kryeministër” dhe thotë se çmimi nuk do të rritet. Më pas futet lugunia e nëpunësve të administratës dhe “minjve të magazinave” të Rilindjes të cilët paguhen vetë për të bërë like apo komente në rrjetet sociale, të tipip: “faleminderit kryeministër që mendon për qytetarët”. Ka edhe një grup tjetër që hiqen si emigrantë dhe shprehen se në vendet ku jetojnë paguajnë fatura të larta të energjisë apo gazit, ndërsa në Shqipëri ka një “njeri zemërmadh” që e mban barrën vetë dhe mendon ditë natë vetëm për qytetarët.
Orgjia në rrjetet sociale që ngjiz propagandë vijon për shumë kohë dhe do të vijojë edhe në muajt në vazhdim, ku sërish ERE është gati të veshë kostumin e shfaqjes për rritej e çmimit dhe aty del superheroi që me një të rënë firmës zhbën gjithçka.
Qëllimi mbetet që për këtë fushatë të dalë “Mullai i madh” me mjekët të bardhë që hiqet si shëronjës populloor që flet butë dhe ngjall mirësi, duke numërua tespiet. ERE e keqe pranë Ramës! Shfaqja do të vijojë deri për zgjedhje, ndërsa “biletat” jepen falas për ata që kanë vendosur të shpëlajnë shqisën e të menduarit në lavatriçen qeveritare.
