Policia e kryeqytetit ka arrestuar këtë të Hënë dy shtetas pasi shpërndanin lëndë narkotike, heroinë dhe kanabis, në doza.
Uniformat blu bëjnë me dije se në pranga kanë rënë shtetasit J. V., 30 vjeç dhe D. Z., 22 vjeç, të dy banues në Tiranë.
“Specialistët e Seksionit për Hetimin e Narkotikëve të DVP Tiranë, arrestuan në flagrancë shtetasit: J. V., 30 vjeç, banues në Tiranë, pasi gjatë kontrollit fizik, shërbimet e Policisë i gjetën 30-vjeçarit, një sasi lënde të dyshuar narkotike heroinë që u sekuestrua në cilësinë e provës materiale; D. Z., 22 vjeç, banues në Tiranë, pasi gjatë kontrollit fizik dhe në banesën e këtij shtetasi, shërbimet e Policisë gjetën dhe sekuestruan një sasi lënde të dyshuar narkotike cannabis sativa. Nga verifikimet e kryera ka rezultuar se 22-vjeçari, pasi siguronte lëndën narkotike, e shiste atë në zona të ndryshme të Tiranës”, njofton policia.
Materialet procedurale i kaluan Prokurorisë, për veprime të mëtejshme.
