Qytetarët e Durrësit kanë protestuar ditën e sotme, Gjykta në orën 18:30, pranë Gjykatës, pasi kjo e fundit liroi sot personat nën akuzë për pasojat e tërmetit të 26 nëntorit 2019, ku humbën jetën 51 persona, përkatësisht ish-drejtori i ALUIZNIT Durrës, ish-kandidat i LSI për deputet dhe ish-drejtori i IUNV.
Dhjetëra qytetarë u mblodhën dhe ndezën qirinj në nder të viktimave të termetit.
Ata protestuan për drejtësinë skandaloze nën sloganin “Paratë për rindërtimin jo për përfitimin”, “Nuk vrau tërmeti, vrau shteti”. Shumë prej qytetarëve të prekur nga tërmeti nuk i janë rindërtuar shtëpitë dhe ende jetojnë në kushte të vështira.
