Ish-kryeministri Sali Berisha deklaroi në konferencën për gazetarët pasditen e sotme se mbyllja e kopshtit turk në Tiranë është bërë me urdhër të presidentit turk Recep Tayip Erdogan.
Ai deklaroi se Eedogan ka urdhëruar vasalin e tij në Tiranë (Ramën) duke shkelur çdo ligj dhe rregull në marrëdhëniet mes dy vendeve.
Berisha shtoi se Erdogan punon për pushtetin e Edi Ramës duke e trajtuar Shqipërinë si provincë të Ankarasë.
“Vendimet duhet të merren në Tiranë, jo në Stamboll. Kjo e kopshtit të fëmijëve tuaj është historia më e turpshme. Dikur perandoria urdhëronte të mbylleshin shkolla se flitej shqip në to. Me Turqinë jemi miq por kjo mund të ndodhë kurrë. Ka probleme ai të brendshme politike dhe urdhëron vasalin e tij politik në Tirane të mbyllë kopshtin. Një prind nuk e bën kurrë këtë. Çfarëdo u them këtyre vogëlushëve unë se nesër nuk do shkoni në kopsht se e ka mbyllur qeveria. Del dhe e falenderon ministri turk dhe e favorizon Xhaçkën e qeverisë për aktin që ka bërë. Është shkelur çdo ligj, çdo rregull edhe në marrëdhënie mes dy vendeve. Ju e dini që kam punuar për marrëdhënie miqësore mes Shqipërisë dhe Turqisë. I them presidentit turk që në këtë mënyrë interesat turke në këtë vend marrin fund. Nuk mund të pranohet kjo. Nuk mund të trajtohen shqiptarët në këtë mënyrë për karrige të Edi Ramës dhe karrigen e tij. Çfarë rreziku ka një kopsht shembullor me 250 fëmijë. Këtij mund t’i thuash çdo fjalë por vetëm shqiptar jo, Nuk ka asgjë shqiptare këtu. Unë merrem se dua që këta fëmijë të jenë zotër të vendit të tyre.. Dhe vendimet për ta t’i marrin shqiptarë. Të diktojnë sikur je një provincë e Ankarasë apo Anadollit. Marrëdhëniet mes vendeve në raportin personal Erdogan Rama janë jashtëzakonisht problematike. Ai punon për pushtetin Edi Ramës. Po shkel të gjitha rregullat. Edi Rama pranon që Shqipëria të trajtohet si provincë e Ankarasë. Çdo vend ka interesat e tij në vendin tjetër. Por çfarë marrëveshje ka mes Shqipërisë dhe Turqisë që të mbyllen kopshtet dhe shkollat. Ndër më të mirat”, tha Berisha.
Berisha u ndal dhe te mbyllja e kolegjit “Mehmet Akif’, duke thënë se ky kolegj ka nxënësit në universitet me të mira të botës. Ekselenca i ka pedagogë në universitetet më të graduara në SHBA dhe Rama i ve drynin, shtoi ai.
“Dikush mund të pyesë se pse ky po merret tani me presidentin e Turqisë. Jo, merrem dhe do të merrem sepse dua që këta fëmijë të jenë zotër të vendit të tyre dhe vendimet për ta të mos i marrë Turqia, askërkush, ti marrin shqiptarët. Sigurisht kjo është rruga. Nuk është rruga të trajtohesh sikur je një provincë e Ankarasë, apo Anadollit dhe të të mbyllin kopshtin. Marrëdhëniet në rangun personal Erdogan-Rama janë jashtëzakonisht problematike, ai punon për pushtetin e Edi Ramës, por shkel të gjitha rregullat, sepse Edi Rama pranon që vendi të trajtohet si një vend vasal i Ankarasë, por kështu nuk ndërtohet partneriteti, miqësia. Çdo vend ka interesat e tij ndaj një vendi tjetër, por janë brenda të gjitha akteve.
Por çfarë marrëveshje ka mes Shqipërisë dhe Turqisë që të mbyllen kopshtet e fëmijëve, shkollat. Nga më të shkëlqyerat. Kolegji ‘Mehmet Akif’ i ka nxënësit në universitet me të mira të botës. Ekselenca, i ka pedagogë në universitetet më të graduara në SHBA dhe ky merr i ve drynin. Pse, sepse ai tjetri atje e konsideron Shqipërinë si një provincë të Turqisë. Unë jam shumë i revoltuar dhe ju garantoj se do të jem një zë i fuqishëm në mbrojtje tuaj. E gjithë Shqipëria është me ju. Kjo që ka ndodhur është në shkeljen më flagrante të të drejtave të fëmijëve, të Konventës Europiane të të Drejtave të Njeriut që ne jemi firmëtarë. Do të shikohet mundësia e padisë së tij, në të gjitha gjykatat. Ky është akt terrorist ndaj fëmijëve, që e ushtron Edi Rama me urdhër të padronit të tij. Kjo është e vërteta. Kur arrin dhe merr një vendim për të ua mbyllur kopshtin 250 fëmijëve, prisni ju se çfarë do të ndodhë me Komunitetin Mysliman. Por unë këtë e quaj më të rëndësishme, këtë të kopshtit e quaj të papranueshme. Është akt terrorist psikologjik ndaj fëmijëve. Ka ndërtuar një xhami dhe kërkon të sundojë një Shqipëri. Jo more zotëri, atë xhami do të ja paguajmë një për një. Nuk mund të sundohet Shqipëria se ndërton një xhami”, deklaoi kreu i PD-së.
