Një aksident ka ndodhur në Itali, ku ka humbur jetën një 41-vjeçar shqiptar.
Armando Serjanaj është emri i punëtorit shqiptar që u rrëzua në rajonin Chiabotto të San Giorgio Monferrato. Ai ndërroi jetë pavarësisht mbërritjes së menjëhershme në spitalin në Casale, pasi shokët e punës e transportuan menjëherë.
Nga hetimet e para bëhet e ditur se burri, i cili në dhjetor do mbushte 42 vjeç, u rrëzua nga një lartësi prej 4-5 metrash teksa bashkë me bashkatdhetarët e tjerë po punonte për riparimin e çatisë.
Në vendngjarje kanë mbërritur agjentët e komisariatit të Casale dhe Spresal për hetimet që po vijojnë.
Burimi: La Stampa
