Ish-drejtori i Sigurimeve Shoqërore dhe Filialit të Postes në Lezhë, Petrit Marku, ka humbur jetën në një aksident me makinë në Shtetet e Bashkuara të Amerikës, ku jetonte prej 4 vitesh së bashku me familjen e tij.
Sipas mediave vendase mësohet se mjeti tip “Ford” me të cilin po udhëtonte Marku është përplasur me një kamion gjysmë rimorkio.
Ndërkohë, autoritetet bëjnë me dije se Marku humbi kontrollin e mjetit të tij dhe doli në korsinë qendore dhe goditi anën e djathtë të kamionit. Më pas “Fordi”doli në korsinë e djathtë dhe përfundoi anash rrugës.
Marku prej katër vitesh ishte zhvendosur drejt Shteteve të Bashkuara të Amerikës, së bashku me familjen e tij.
Ai ka qenë drejtues institucionesh gjatë qeverisjes së Partisë Demokratike ne vitet 2005-2013.
