PDIU nuk do ti bashkohet opozitës së drejtuar nga PD në zgjedhjet e 14 Majit 2023.
Kreu i PDIU-së, Shpëtim Idrizi deklaroi këtë të Shtunë në një emision televiziv se partia e tij do të dalë e vetme në zgjedhjet e ardhshme lokale.
“Dalja e jona ka qenë e detyruar. Bënë një marrëveshje me PL. Kemi vetëm një marrëveshje ndërmjet PD, por vulën e kanë disa të tjerë. Do më vinte keq nëse përsëritej skenari i 6 marsit”, tha Idrizi.
“PL i ka mëshuar më shumë vendeve në lisën për këshilltarë dhe PD për kandidatë. Na kanë thënë përse dilni njëherë me të majtën pastaj me të djathtën. Na lejoni të dalim njëherë të vetëm. Vendimmarrja për të dalë vetëm është për shkak të heqjes së koalicioneve, kemi një lloj detyrimi , por nuk është rasti i PDIU për të vrapuar për të gjetur dikë. Por besoj pesha specifike e PDIU është e qartë në pesë qarqe. Me Berishën kam marrëdhënie shumë të mira. Jam njeri që mendoj që politika është arti i komunikimit. Opozita dhe pozita janë dy funksione që bëjnë pluralizmin politik në vend”, shtoi ai.
