Sekretari i Përgjithshëm i Partisë Demokratike, Flamur Noka, ka zhvilluar një takim me kreun e Partisë për Drejtësi, Integrim dhe Unitet (PDIU), Shpëtim Idrizi, në kuadër të konsultimeve që opozita po zhvillon me aleatët për përzgjedhjen e kandidatit për kryetar bashkie në zgjedhjet e pjesshme.
Takimi vjen si pjesë e procesit të intensifikuar të diskutimeve mes forcave opozitare për të ndërtuar një front të përbashkët opozitar dhe për të konsoliduar mbështetjen rreth një kandidature të vetme, që do të përfaqësojë opozitën në zgjedhjet e 9 nëntorit.
Sipas burimeve, mes palëve ka pasur mirëkuptim mbi nevojën për të garuar me një kandidat të vetëm dhe për të ndërtuar një koalicion opozitar, i cili do të mbështesë këtë kandidaturë.
Pritet që opozita të finalizojë së shpejti emrin e kandidatit për Bashkinë Tiranë, si dhe për bashkitë e tjera ku do të zhvillohen zgjedhje të pjesshme.
