Në aferën e inceneratorëve janë të përfshirë edhe 5 ministra me mandat deputeti. Kështu deklaroi deputetja demokrate Jorida Tabaku, pasi dëshmoi për mbi 2 orë mbi këtë aferë për gjetjet e komisionit hetimor që ajo drejtoi. Në një intervistën për A2″, Tabaku theksoi se kjo është prova më e madhe e SPAK-ut për të thyer mitin e pandëshkueshmërisë.
“Nuk dua të merrem me emra individësh, ka qenë dosje që e kam lexuar të plotë. Për mua janë zyrtarë që kanë kryer korrupsion dhe duhet të jenë para drejtësisë, por janë pak. Aq është pak, nëse i shkohet deri në fund në nivelin politik janë edhe 5 të tjerë të përfshirë në nivel ministrash me mandat deputeti politik dhe po ashtu në nivel teknik. Nëse i shkohet në fund hedhim një bazë shumë të mirë për të luftuar pandëshkueshmërinë që kanë patur institucionet tona. Për të thyer mitin e pandëshkueshmërisë. Për mua kjo është prova më e madhe e SPAK-ut. SPAK ka kryer disa hetime por nuk ka shkuar atje ku duhet”.
Sipas Tabakut SPAK duhet të kishte vepruar më shpejt pasi ka të gjithë informacionin me faktet dhe provat. Ajo theksoi se PD e ka inkurajuar organin e akuzës, ndërsa sipas saj qeveria e ka sulmuar.
“Nuk jam e kënaqur nga ritmi i hetimeve të SPAK. Ka pasur mundësi për të ecur më shpejt por faktet dhe provat janë atje. SPAK i kanë të gjitha informacionet. Pd ka inkurajua Spak të vijojë hetimin. PD nuk ka sulmuar asnjëherë SPAK, këtë e ka bërë qeveria sa herë ka qenë në vështirësi. Unë si denoncuese e aferës thjesht e kam inkurajuar të vazhdojë më shumë atje ku ka pushtet. Për deputetin Alqi Bllako informacioni është atje. Nuk e citoj dot dosjen për arsye hetimi, por të gjithë dëshmitë e komisionit hetimor ishin të përfshirë në atë dosje”.
Ajo theksoi se inceneratori i Fierit ka marrë pagesa pa e kryer punën, ndërsa nga i Elbasanit, thotë se duhet të kishte prodhim energjie.
“Duhet të kishim prodhim energjie nga inceneratori i Elbasanit. Inceneratori i Fierit ka marrë pagesa për 3 vite pa e kryer punën. Dhe këtu nuk kë gjykatë që nuk e merr parasysh”.
Sipas Tabakut, qeveria nuk ka marrë në konsideratë as sugjerimet e Avokaturës së Shtetit që ka qenë pjesë e procesit.
