Është zbardhur vrasja e shqiptarit, Ardit Spahiu, në Molenbeek në vitin 2020.
Mediat e huaja bëjnë me dije se është arrestuar në Dubai autori i vrasjes, ndërsa Belgjika ka kërkuar ekstradimin e tij.
Si ndodhi ngjarja?
Ardit Saphiu, 38 vjeç, u qëllua në Condorlaan në Molenbeek më 27 nëntor 2020 kur doli jashtë një kafeneje. Autorët, ishin tre, u larguan, por njëri prej tyre u kthye dhe qëlloi shtatë plumba të tjerë në drejtim të Spahiut, duke I shkaktuar vdekjen.
Dyshohet se vrasja erdhi si pasojë e një sherri mes shqiptarit dhe dy klaneve të drogës, të luftuar nga evropianët. Vjedhja e shumë kilogramëve kokainë do të ishte baza e kësaj masakre. Mësohet se komisionerët e vrasjes në fakt kërkonin që të vritej e gjithë familja e Spahiut.
Kështu tashmë autori i dyshuar është arrestuar në Dubai dhe Belgjika kërkon ekstradimin e tij. Nëse ai ekstradohet, i armatosuri do të ishte një nga të dyshuarit e parë të dërguar në vend që nga marrëveshja e ekstradimit me Emiratet e Bashkuara Arabe.
Kush ishte Ardit Spahiu?
Viktima Spahiu ndodhej ilegalisht në Belgjikë. Ai i përkiste një familjeje nga qyteti shqiptar i Elbasanit, nga e cila disa të rinj u shpërngulën në perëndim dhe përfunduan në botën e drogës. Vetë Spahiu ishte i dyshuar në vitin 2010 për vrasjen e një 52-vjeçari nga një klan konkurrent. Edhe kunati i Spahiut mësohet se ka kryer dy vrasje dhe tani ndodhet në burg. Siç u tha më herët, autori është me të vërtetë një anëtar i klanit rival. Nuk dihet se kur do të ekstradohet i dyshuari.
