Orjol Lame është i vetmi i mbijetuar nga aksidenti i tmerrshëm i ndodhur në Itali, ku humbën jetën 4 persona. Lame po drejtonte makinën në momentin e aksidentit tragjik. Ai ndodhet në gjendje të rëndë në spital.
Tashmë kanë dalë përgjigjet e testeve të kryera për Lamen dhe sipas rezultateve, 32-vjeçari ka qenë duke drejtuar mjetin nën efektin e alkoolit dhe lëndëve narkotike mbrëmjen e të dielës dhe për këtë arsye, ai ka humbur kontrollin duke u përplasur me murin e një shtëpie ta pabanuar në Villa Gaida, via Emilia, Parma.
Nga aksidenti i tmerrshëm humbën jetën bashkëshortja e të mbijetuarit, 22-vjeçarja Shane Hyseni, djali i tyre i vogël Mattias vetëm 1 vjeç e gjysmë, si dhe Resat dhe Rejana, vëllai dhe motra e Shane, 11 dhe 9 vjeç.
