Ora 16:00 shënon afatin e fundit që pedagogët i kanë vendosur qeverisë për të kthyer një përgjigje pozitive për kërkesat e parashtruar prej disa javësh.
Sandër Kovaçi, deklaroi një ditë më parë se nëse qeveria nuk do të plotësojë kërkesat e tyre, atëherë pedagogët do të futen në grevë urie.
Ndërsa në përfundim të afatit që iu përcaktua qeverisë, në daljen para medias, Kovaçi ka thënë se nuk tërhiqen nga kërkesat e tyre, madje do hyjnë në grevë së bashku me familjarët.
Ai ka deklaruar se 30 pedagogët do futen në grevë urie në momentin që do marrin një garanci për jetën e tyre nga Presidenti i Republikës dhe institucionet ndërkombëtare.
“Nëse e marrim këtë përgjigje brenda 30 minutave, apo 3 oreve, 30 pedagogë do të hyjnë në grevë urie. Jemi ketu për mbrojtjen e arsimit, u përket të gjithëve. misioni ynë vazhdon.Jemi në vazhdimësi”, tha Kovaçi.
Deri tani, qeveria ka refuzuar plotësimin e kërkesave duke vendosur rritje me vetëm 15% rritje page, 8% të së cilës ua ngarkon vetë universiteteve. Deri tani vetëm dy universitete, ai i Tiranës dhe i Mjekësisë, kanë zbatuar urdhrin e qeverisë, ndërsa të tjerat jo. Sidoqoftë, pedagogët e kanë refuzuar këtë 15 për qindësh, pasi janë të mendimit që tarifat e studentëve, i vetmi burim i universiteteve duhet të shkojë në dobi të këtyre të fundit dhe jo të përdoret për paga.
KERKESAT E PEDAGOGEVE
Rritja e pagave për pedagogët dhe stafin ndihmës
Rritja e financimit për kërkimin shkencor
Rivendosja e shtesave mbi pagë për ‘Dëshmi shëndeti në punë’
Rritja e shtesës mbi pagën për vjetërsinë në punë
Rritja e pagesës së orëve të ngarkesës suplementare
Rivlerësimi i orës mësimore, pasi ka zbritje prej 50% të pagesës së orës mësimore si rezultat i mosdiferencimit të orës mësimore të leksionit.
Rishikimin e tatimit prej 23% mbi pagesën e ngarkesës suplementare
Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
Të bëhet transparencë mbi buxhetin dhe të ardhurat e universiteteve publike.
