Është shtyrë sërish seanca për ekstradimin e biznesmenit turk Faruk Fatih Ozer.
Kësaj herë prokurori solli prova të reja dhe avokati Klodian Skënderi kërkoi kohë për njohjen me materialet e dosjes.
“U parashtruan disa kërkesa procedurale nga ana ime, pati debate. Ne insistojmë që në ngarkim të shtetasit që unë përfaqësoj të zhvillohet një proces i rregullt gjyqësor. Nuk mundet që në seanca ekstradimi të ketë ngut. Nuk e kuptoj pse është tërë ky ngut nga ana e Gjykatës. Ne për këtë punë jemi këtu, të garantojmë interesat e ligjshme të shtetasve”, deklaroi avokati Skënderi.
Ozer, akuzohet se ka fituar 2 miliardë dollarë nga mashtrimi me kriptomonedhat .
Turku u arrestua më 30 gusht të këtij viti teksa ishte duke pushuar në plazhin e Himarës.
