Një 28-vjeçar nga Bulqiza është arrestuar këtë të Martë nga policia.
Uniformat blu bëjnë me dije se Gerhard Lala ka thyer masën e sigurisë “Arrest me burg” dhe kishte përshtatur biznesin e tij (bilardo), për përgatitjen e dozave të lëndës narkotike kanabis, me qëllim shitjen e tyre.
“Specialistët e Seksionit për Hetimin e Narkotikëve të DVP Dibër, në bashkëpunim me Komisariatin e Policisë Bulqizë, në vijim të kontrolleve për parandalimin, evidentimin dhe goditjen e veprimtarisë kriminale në fushën e narkotikëve, mbështetur dhe në inteligjencë informative për një shtetas që kishte thyer masën e sigurisë “Arrest në shtëpi’ dhe kishte përshtatur biznesin e tij (bilardo), në lagjen “Qytet i Ri”, Bulqizë, për përgatitjen e dozave të lëndës narkotike kanabis, me qëllim shitjen e tyre, organizuan punën për kapjen dhe ndalimin e tij”, njofton policia.
Gjatë kontrollit në ambientet e biznesit policia gjeti një sasi lënde të dyshuar narkotike cannabis sativa, të ndarë në doza, gati për shitje.
Materialet i kaluan Prokurorisë, për veprime të mëtejshme procedurale.
