Ish-kryeministri, Sali Berisha ka komentuar zhvillimet e fundit Brenda PD-së, pasi negociatat mes Gazment Bardhit dhe Edi Palokës për të dalë me një kandidat të përbashkët në zgjedhjet e 14 Majit kanë dështuar.
I ftuar në emisionin “Log”, Berisha thotë se qendrimi i Alibeajt është qendrim kundër demokracisë dhe se veprimi i tij i fundit është akt talebanesk dhe terrorist ndaj Partisë Demokratike.
“Të marrësh flamurin e një partie ti mban qëndrimin më talebanesk terrorist ndaj kësaj partie. Ata që mendojnë të konfiskojnë flamurin e PD i kanë shpallur luftë PD-së.”, tha Berisha.
Teksa pyetet nga opinionisti Neritan Alibali se si nuk arriti të bashkojë gjysmën tjetër të PD-së, Berisha tha se kjo përçarja me Alibeajn nuk është dështim.
Pjesë nga diskutimi
Alibali: Ju keni krijuara koalicionet më të mëdha në Shqipëri, keni bashkuar parti të majta me të djathta, si nuk bashkuat dot gjysmën tjetër?
Berisha: Në pamje të parë është ajo që thoni ju, një dështim i parashikuar, për mua nuk është i tillë.
