Kryetari i grupit parlamentar të Partisë Socialiste, Taulant Balla u shpreh i vendosur se në zgjedhjet lokale të 14 majit do të votohet për 61 bashki dhe nuk do të votohet reforma e re territoriale.
“Nuk mbështesim ndarje të re territoriale. Shqipëria më 14 maj do votojë në 61 bashki. Në të ardhmen mund të rishikohet numri i bashkive”, tha Balla.
Ky qëndrim i PS-së bën që palët të mos arrijnë konsensus për të patur një ndarje të re territoriale.
Kujtojmë se palët politike edhe në të kaluarën kanë patur vështirësi në gjetjen e dakordësisë, si për shembull për reformën zgjedhore.
