Deputeti demokrat Oerd Bylykbashi ka deklaruar se reforma territoriale e vitit 2014 është e dështuar.
Gjatë fjalës në Kuvend, Bylykbshki ka theksuar se reforma territoriale do të shkojë përpara dhe do të bëhet.
Nëse jo me konsensus, ai tha se do të bëhet me referendum.
“Reforma e vitit 2014 ka dështuar, por edhe reforma e vitit 2022 ka dështuar. Kjo pasi Partia Socialiste në pushtet e ka nisur reformën me nuk do ndryshojnë bashkitë. Konsensusi vdiq kur erdhët në pushtet ju. Ka dështuar politikisht reforma, ka prodhuar krizë. Demokracia lokale është gur themeli në demokraci. Por edhe këtë e zhbëtë. Ka dështuar përfaqësimi. Ka dështim financiar. Pasoja është pushteti i centralizuar në dorën e Ramës. Më para bëhej nami i zi nëse nuk respektoheshin lejet e ndërtimit. Termat ligjorë janë të harruara nga ju. Ne në këtë proces kemi propozuar për 94 bashki. Parimet dhe kriteeret që ne kemi përdorur janë të njëjta. 61-shi juaj nuk ka lidhje me parimet demokratike. Do të garantohej përfaqësim më i mirë dhe jo kjo që është sot. Qytetarët e Ishmit nuk marrin dot shërbim, ne kërkojmë që të kenë një bashki. Reforma territoriale do të shkojë përpara, bashkitë do tu shkojnë qytetarëve. Nëse do të jetë nevojë do të bëhet edhe me referendume,” tha Bylykbashki.
